標題:
係香港 用手機上qq 用萬眾儲值卡
發問:
此文章來自奇摩知識+如有不便請留言告知
我想係香港 用手機上qq 我部電話已經裝左qq 但係我用既係萬眾一般既儲值卡 ps 係ok 7仔買果d 係 本地至抵傾計劃 78蚊果種儲值卡 如果我想係香港 用手機上qq 係咪就咁用電話打 *106*01# 開通左流動數據服務 就可以係香港用手機上qq? 而收費係咪 $0.15/KByte ? 我想全日24小時想上住qq 同人傾 收費會大概係幾多? 更新: http://www.hk.chinamobile.com/p_prepaid_localtalk_tc.jsp http://www.hk.chinamobile.com/p_prepaid_localtalk_guide_tc.jsp http://www.hk.chinamobile.com/p_prepaid_localtalk_charge_tc.jsp 我係呢度睇....唔知係唔係正確 更新 2: 仲有如果我返到大陸 照樣用呢張儲值卡上qq傾計 收費又會係點樣? 更新 3: 本地流動數據不是 $0.04/kb 嗎 更新 4: 我已經打左*106*01#去開通 佢亦都send左2封中英文既訊息話接受左 但係我用我部moto電話開瀏覽器仲係開唔到 用轉至網址又去唔到 我見部電話都已經set左用gprs連接 但係都唔得 我用既係c261 會唔會係部野舊得滯既問題?
最佳解答:
1,我同你用緊同一張儲值卡,當時我也同你一樣想用手機上QQ. 我曾打過上去問清楚個收費,這張卡係0.4/KB,並唔係0.15.....所以你計下.1MB貴過你包月啊....再講...我地用緊儲值卡果度話咩5元5MB的流動數據組合我地並不能申請開通,果個專門比上台客申請架. *106*01# 呢個只不過係你發一串碼去比佢地,接受左就係幫你開通GPRS囉.但問題就係你並無用緊GPRS任何月費組合,單照上面我咁講,1MB都收死你啊. 如你QQ掛全日24小時,只單純以文字黎講,一個月50-100mb足夠有餘囉.如你只是單獨跟1-2個講,開通GPRS只為手機QQ就用50MB內已經足夠啦.因為打開圖片,視頻果類流動數據用超多架,呢個不如返屋企先再睇好過啦,起碼都唔會亂用超標啦. 本新如你好似我咁樣,只係訓時熄電腦掛QQ訓,有人密你,你都知咁樣我就會建議你用wifi上囉.不過wifi唔識用就好多陷阱啦.因為一吾穩定就會自動轉GPRS,你要部機set好,也都要發個碼上台取消GPRS,做曬所有預防佢自動轉GPRS上網的措施先得囉. 但你個情況就係連出街,返學或返工都想掛住QQ的話,就肯定要考慮下,儲值卡78元只是上網的計劃,或98元儲值卡無限上網,wifi及1000分鐘的.或上台再根據自己需求去開通流動數據組合囉.... 你話拎住張人仔台返大陸上QQ- -你知唔知漫遊幾貴啊....更何況你用漫遊上網....唔好話幾十一百,你玩幾日幾千都無曬添啦.... 大陸儲值卡開通GPRS好平架....香港就貴得離譜.就講深圳移動卡,開通30MB先得5蚊,早幾年5蚊有100MB架,現時100MB都好似係10定15蚊.你洗咩返大陸用漫遊上網啊???就比較當地GPRS收費,香港都貴幾倍啦..... 2010-06-26 14:46:56 補充： 因為呢張卡我之前打去客務打唔通,我就在網上留言,佢地客務關注部回電話比我架. 就係我以上答你的答案我都係問過佢地的.我記得就係0.4,因為我聽完就抄低左.我網上查到都係0.1幾,佢話我張卡唔係呢個價,要0.4我抄低也都係0.4......不過我都吾確定有無聽錯之後寫錯,不過0.4呢個價我有8成敢肯定,聽完當下我記得心唸話好貴,因我查過資料係0.1幾的....你如果唔包月果類最好打去問清處.不過逐KB計....1MB都好貴囉.無必要咁玩 2010-06-29 14:06:45 補充： 應該唔關事,我4定5月先買部nokia 5230.之後我見人仔台話可以流動數據5元組合,所以我就自己開通GPRS啦,我都同你一樣直接開都開唔到,即唔包月逐kb計咁樣都上唔到.之所以我先會好似上面咁樣打去問.可能係不機問題,其實應該拎去門市叫佢地幫你搞囉...我部機都唔舊,我在內地開GPRS都可以用,但在香港就唔得囉.不過香港GPRS太貴,所以我都暫時唔考慮用啦.轉儲值卡就無謂浪費呢d錢啦,月費我都係驚月尾單黎時會突然有筆咩數我先轉儲值卡者,起碼打幾多就幾多,又即時可以查嘛.
其他解答:
您好， 我推薦您一個網站，一個對手機設備，攝影設備最新產品價格以及產品評測的網站，上面還有很多實用的小技巧，常用知識。 http://www.digital-price.net 希望對您有用
留言列表
